10 عادات صباحية تخلّي بشرتك أنضف وأنعم كل يوم
بداية اليوم تبدأ من بشرتك! وعلشان تحافظي على نضارتها طول اليوم وتمنعي الحبوب والجفاف، لازم تهتمي بروتينك الصباحي. في المقال ده، هنقدملك 10 عادات صباحية بسيطة، لكن مفعولها كبير جدًا على بشرتك.. هتلاحظي الفرق من أول أسبوع!
1- اغسلي وشك بمياه فاترة مش سخنة
المياه السخنة ممكن تسبب جفاف والتهابات لبشرتك. استخدمي مياه فاترة صباحًا لتنظيف البشرة بلطف وتنشيط الدورة الدموية.
2- اختاري غسول مناسب لنوع بشرتك
لو بشرتك دهنية، استخدمي غسول يحتوي على الساليسيليك. ولو جافة، اختاري غسول مرطب خالي من الكحول. تعرفي أكتر على أنواع البشرة وكيفية اختيار المنتجات المناسبة.
3- ما تنسيش التونر
التونر خطوة كتير بننساها، لكنه بيوازن الـ PH لبشرتك وبيقفل المسام قبل ما تحطي أي كريم.
4- رطّبي بشرتك حتى لو دهنية
كل أنواع البشرة محتاجة ترطيب. اختاري مرطب خفيف لو بشرتك دهنية، أو كريم غني لو بشرتك جافة.
5- استخدمي سيروم فيتامين C
سيروم فيتامين C بيحمي بشرتك من عوامل البيئة، وبيفتح التصبغات ويديكي نضارة حقيقية.
6- واقي الشمس أهم خطوة
ما تخرجيش من بيتك من غير واقي شمس. حتى لو الجو غيم، الأشعة فوق البنفسجية موجودة. شوفي نصايحنا في أفضل 10 نصائح للعناية بالبشرة في الصيف.
7- اشربي كوباية مياه قبل أي حاجة
ترطيب الجسم من الداخل بيأثر على بشرتك. كوباية مياه على الريق بتساعد جسمك ينضف ويفوق.
8- امسحي وجهك بمياه ورد
لو بشرتك حساسة، ممكن تستخدمي مياه ورد كتونر طبيعي ومهدئ في أول اليوم.
9- رتّبي خطواتك صح
روتينك الصباحي لازم يكون بالترتيب: غسول – تونر – سيروم – مرطب – واقي شمس.
10- امتنعي عن لمس وشّك
إيدك بتنقل ميكروبات لبشرتك بدون ما تحسي، خصوصًا لو استخدمتي موبايل أو كمبيوتر قبل ما تغسليها.
